Oostelike Sinode

VOLHOUBARE BEDIENING

4.8.3     Die Diensprojekgroep vir Volhoubare Bediening stel die werksdokument aan gemeentes beskikbaar en nooi gemeentes wat belangstel om by die proses betrokke te raak.

Bykomende voorstel:

Die Sinode versoek gemeentes om baie ernstig na te dink oor hoe hulle op finansiële en kundige wyses die kleiner gemeentes daadwerklik kan bystaan.

--ooOoo--

DOOPVIERING

45.1      Die Sinode bevestig die besluit van die Algemene Sinode van 2004:

45.2      Die Sinode bevestig die besluit van die Algemene Sinode van 2007:

45.3      Die Sinode verstaan daarom dat:

45.3.1       die praktyk van doopviering reeds deur die Algemene Sinode goedgekeur is.

45.3.2       dat gemeentes en Sinodes aangemoedig word om doopvierings verder te ontwikkel.

45.3.3       gemeentes waak dat doopvierings en gepaardgaande rituele nie met herdoop verwar kan word nie

45.4          Die Sinode besluit dat ons ten opsigte van die ontwikkeling van die doopviering die geleentheid benut om:

45.4.1       die vrye genade van God en die vaste grond waarop ons verlossing berus te beklemtoon.

45.4.2       die ryk betekenis van die Christelike doop opnuut te verduidelik.

45.5          Die Sinode wil graag dat gemeentes mekaar in die proses van die ontwikkeling van toepaslike rituele, liturgieë en formuliere bystaan en help.  Die Sinode versoek derhalwe die Bediening van Aanbidding om 'n werkswinkel vir hierdie doel voor einde November 2007 te reël, waarby gemeentes kan inskakel.

45.6          Die Sinode versoek die Bediening van Aanbidding om die resultate van sy werksaamhede aan die ADGO deur te gee en aan gemeentes beskikbaar te stel.

--ooOoo--

ARGIEF

ARGIEF- EN INLIGTINGSWETGEWING

23.5.3      Die Sinode versoek Ondersteuningsdiens, ringe en gemeentes om dringend kennis te neem van die implikasies wat die Wet op die Bevordering van Toegang tot Inligting (Wet 2 van 2000) en die Nasionale Erfeniswet (Wet 25 van 1999 en soos aangevul in Goewermentskennisgewing Nommer 1313 van 25 Oktober 2002) vir plaaslike gemeentes inhou en om so spoedig moontlik die ooreengekome inventaris aan ABID te besorg.

SENTRALISERING EN REKENARI-SERING VAN REGISTERS

23.6.8.1   Die Sinode versoek gemeentes om met die rekenarisering en sentralisering van lidmaatregisters saam te werk.

23.6.8.2   Die Sinode versoek gemeentes om so spoedig moontlik seker te maak dat hulle lidmaatdatabasis volledig en korrek is (met identiteitsnommers), sodat die stelsel op 1 Januarie 2009 in werking gestel kan word.

23.6.8.3   Die Sinode versoek Ondersteuningsdiens om die nodige reëlings te tref vir die invordering van gemeentes se jaarlikse tarief vir ABID se dienste ten opsigte van die sentralisering en rekenarisering van lidmaatregisters.

23.6.8.4   Die Sinode versoek ATABID en GKABID om gemeentes op hoogte te hou van die vordering met die proses en om gemeentes van hulp te wees met die vereistes van 'n gemeentelike databasis.

--ooOoo--

INHOUDELIKE WYSIGINGS AAN DIE FAMILIEREËLS

37.2.2.3   Bepaling 4.1

Enige belydende lidmaat mag binne tien dae vanaf die eerste afkondiging van 'n beroep 'n skriftelike beswaar met opgawe van redes by die betrokke Ring of Ringsdiensraad indien, en wel op grond van bepaalde klagtes teen die leer of lewe van die beroepene, of op grond van klagtes insake onreëlmatigheid in verband met die uitbring van die beroep.

37.2.3.3   Bepaling 16.3

'n Kerkraadslid se dienstermyn word beëindig by bedanking of verhuising en is onmiddellik van krag.

37.2.4.3   Bepaling 19.7

In die uitoefening van sy bevoegdhede tree die wykskerkraad as kerkraad op en is alles op die wykskerkraad van toepassing wat volgens die Kerkorde en Aanvullende Bepalings vir 'n kerkraad geld.  Die besluite geneem deur 'n wykskerkraad oor sake waartoe die wykskerkraad bevoeg is, het bindende krag en hoef nie deur die kerkraad goedgekeur te word nie.

--ooOoo--