Getuienisgemeenskap wat deur ons lewe en woorde aan die mekaar en die wêreld wil vertel van die nuwe lewe wat God aan ons gegee het.
Gemeenskap waarin ons onderlinge sorg onsself en ander gedurig daaraan herhinner dat God ons daagliks versorg.
Aanbiddingsgemeenskap wat daarna streef om God in opregtheid en vreugde te aanbid.
Oostelike Sinode
Sinodale diensraad » Besluite Van Sinodale Diensraad » BESLUITE SINODALE DIENSRAAD 17 JUNIE 2009
BESLUITE SINODALE DIENSRAAD 17 JUNIE 2009
2009/07/22
AFGEVAARDIGDES ALGEMENE SINODE
Volgens die Familiereëls word die Sinode se afvaardiging tydens die sinodesitting net voor die Algemene Sinode verkies. Vanjaar word dus die afvaardiging vir 2011 se Algemene Sinode aangewys.
PRIORITEITSAKE
Die drie prioriteitsake van die Sinode se tema vir die termyn: Lewens wat van God vertel – is die fokus van die sinodesitting. Daarom word die meeste aandag hieraan gegee. Dit is God in die middelpunt, 'n Christelike lewenstyl en Daadgetuienis.
SINODALE BYDRAES 2008/2009
Die Sinodale Diensraad bedank gemeentes vir die getroue betaling van sinodale bydraes. Die boekjaar 2008/2009 was reeds die sewende jaar dat al die gemeentes al hulle bydraes betyds betaal het.
VAS TYDENS SINODESITTING
Maandagmiddag tydens die sitting word gevas. Die koste wat vir die ete betaal sou word, word gebruik om vir 'n klompie kinders hulle kos te gee.
MODERNE KOMMUNIKASIE MIDDELE
Gedeeltes van die sitting word ingerig as 'n eksperiment in die gebruik van moderne kommunikasie middele.
VOLGENDE SINODESITTING
Die volgende sinodesitting (na 2009) vind DV 18 tot 21 Maart 2012 plaas.