Oostelike Sinode

Psalm 73-89

Welkom by 'n heerlike avontuur om deur Boek III (Pss 73-89) te blaai.  Hierdie is ongerepte omgewing.  Benewens 'n enkele psalm soos Psalm 73 waar ons dikwels in tye van mismoedigheid weer krag vind, en Psalm 84 waar ons saam met die gemeente heerlik uitbundig sing: "Hoe lief het ek u woning, Heer...", is die res van die psalms redelik ombekend.  Ons vind in hierdie sewentiental psalms minstens agt of nege klaagliedere of gebede - 'n baie hoë konsentrasie van liedere waarvoor ons te dikwels terugdeins.  Martin Luther skryf betekenisvol oor die klaagpsalms: "Where do you find deeper, more sorrowful, more pitiful words of sadness than in the psalms of lamentation? There again you look into the heart of all the saints, as into death, yes, as into hell itself.  How gloomy and dark it is there, with all kinds of troubled forebodings about the wrath of God!  ....And that they speak these words to God and with God, this, I repeat, is the best thing of all.  This gives the words double earnestness and life....Hence it is that the Psalter is the book of all saints; and everyone, in what ever situation he may be, finds in this situation psalms and words that fit his case, that suit him as if they were put there just for his sake, so that he could not put it better himself, or find or wish for anything better" (Martin Luther, Luther's Works, vol 35: Word and Sacrament! (Philadelphia: Fortress Press, 1960, 255-56).

Mag die lees van hierdie psalms lei tot 'n (her)ontdekking van 'n seggingskrag vir ons emosies en gedagtes voor die lewende God!

AGTERGROND EN MOONTLIKE ONTSTAANSTYD VAN DIE DERDE DEEL, PSALMS 73-89.

Hierdie is geen maklike vraag om te beantwoord nie.  Ons kan aanvaar dat baie van die psalms in die reeks Psalms 73-89 in die Noordryk hulle ontstaan gehad het.  Profete soos Amos en Hosea, om maar enkeles te noem, het die Noordryk opgeroep tot inkeer.  Die Noordryk het hulle egter nie bekeer nie en toe die ramp hulle tref wat hulle bestaan as 10 stamme beëindig het, het mense in die Suidryk ag gegee op die profete se woorde in die Noorde, dat die ware profesie was, want dit het waar geword.  Dié profetiese woorde, baie daarvan in die vorm van psalms, is in die Suidryk "omgedig en aangepas" om by nuwe omstandighede aan te pas.

DIE STRUKTUUR VAN DIE PSALMBUNDEL (veral boeke II en III)

Die psalms wat ons hier aantref het 'n besondere rangskikking.  Boek II (Pss 42-72) en boek III (Pss 73-89) toon 'n simmetriese opbou (a-b-c-b-a), wat soos volg voorgestel kan word:

In hierdie versameling het ons hoofsaaklik psalms van Asaf (Pss 73-83) en dan psalms van Korag (84-85, 87-88), een psalms met die naam Dawid in die opskrif (Ps 86) en een psalm met die naam Etan (Ps 89).  Oor wie hierdie persone was, kan ons slegs maar bespiegel.  Vir ons doel is dit belangriker om te probeer vasstel watter temas en beelde by die onderskeie name voorkom en hoe dit help om 'n geheelbeeld te ontwikkel.

In die verdere verloop van Psalms 73-89 word 'n moontlike pad aangetoon.  Dit is nie noodwendig al pad nie, trouens, dit is maar een van vele! By die lees van onderskeie psalms bemerk mens bepaalde temas en motiewe (bv "Herder") en probeer mens ook vasstel hoe dit oorvleuel.  Dit is nie altyd moontlik om te sien hoe die geheel uiteindelik bymekaar inskakel nie.  Daar is maar 'n groot stuk subjektiwiteit aan lees verbonde.  Dit word hier ruiterlik erken.  Wat ons hier aanbied, is net nog 'n werkshipotese en het beperkte interpretasiewaarde.  Mag die ontdekkingsreis vir u baie meer inhou as wat hier geskrywe staan.  Om u vlugtig te oriënteer, word hier 'n kort oorsig aangebied: