Sinoos Website

FAMILIENUUS 163
2010/05/11

Liewe Sinode-familie

Dit is reeds Meimaand, maar Pretoria kry nog baie reën met donderweer. Sterkte met Hemelvaart en die Pinkstertyd.

GEMEENTES

Tzaneen-Wolkberg (ngwolk@mweb.co.za) het vir Fanus Hansen van Potchefstroom-Oos beroep. Hy was van 1997 tot 2000 by Phalaborwa-Noord.

Geluk aan die gemeentes wat verjaar: kerksondermure 20 (12/5), Halfweghuis 41 (14/5), Monumentpark-Wes 27 (18/5), Tzaneen-Wolkberg 34 (19/5) en Dennesig 19 (20/5).

PREDIKANTE

Louis Pienaar van Nelspruit-Suid skryf: Jean en Weila-Marie Strydom se seuntjie, Zander is Maandagoggend (3/5) om 10:30 gebore. Hy het 2,75 kg by geboorte geweeg en is 55 cm lank. Dit gaan goed met ma en baba. Ons wil graag hulle vreugde ook met die Sinode deel.

PRIORITEITSAKE

Onthou asseblief die konferensie wat die Sinodale Diensraad op 24 Mei om 19:00 reël. Die tema is mos "Troue of Saamwoon?" Meer inligting is hier beskikbaar.

BEDIENINGE

Ondersteuningsdiens wag op die eerste finansiële staat van die jaar.

VERGADERINGE

Die Sinodale Diensraad het Vrydag 7 Mei met die Voorsitters van die Ringsdiensrade vergader. Daar is talle positiewe sake in verband met die gemeentes geneem. Sake soos: Spontane, entoesiastiese deelname aan die werk van gemeentes; 'n gerigtheid om in die gemeenskap 'n verskil te maak; 'n soeke na die Woord van die Here; groter openheid, diversiteit en samewerking; 'n jonger geslag leiers wat na vore tree.

Natuurlik is daar ook sake wat die werk belemmer. Dit is dinge soos: Die veiligheidsituasie, verval aan infrastruktuur, onbetrokkenheid en 'n vervlakking in lidmaatskap; ekonomie wat druk; lewenstyl wat baie verg, moraliteit; grondeise; 'n nuwe rassisme as gevolg van misdaad en verval in die land.

Die Sinodale Diensraad bid dat gemeentes hulle lig sal laat skyn en oral tekens van die Koninkryk van Jesus Christus oprig.

GESAMENTLIKE WERK

Die jaarlikse Johan Heyns Gedenklesing vind vanjaar plaas op 27 Mei om 19:00 in die Senaatsaal van UP. Prof Conrad Wethmar is die spreker. Hy praat oor Maak dit saak wat ons oor die Drie-eenheid van God glo?

Die Kuratorium is baie dankbaar dat daar volgende jaar (2011) 32 finalejaarstudente kan wees. Die Kuratorium is dringend op soek na geskikte gemeentes waar hierdie studente vir hulle gemeentejaar kan gaan werk. Belangstellende gemeentes word versoek om skriftelik 'n aanduiding te gee dat hulle belangstel. Kontakbesonderhede: ngkerk@up.ac.za of Posbus 12100, Hatfield 0028.

ALGEMENE SINODE

Lees hier van Aprilmaand wat vir die Seisoen van Luister 'n rekordmaand was.

Die Algemene Sinode se Taakgroep vir die Erediens het in 2007 ’n proefuitgawe van die nuwe Erediens handleiding beskikbaar gestel met die titel: Vir die Erediens – 'n handleiding. As deel van ’n voortgaande proses waarvolgens die inhoud uitgebrei, verbeter en aangepas kan word, word predikante gevra om deel te neem aan ’n evaluering van die handleiding.

Jy kan dit doen deur die onderstaande drie vrae te antwoord en voor 28 Mei 2010 te e-pos na: fclasen@ngtyger.com.

Wat vind jy bruikbaar in Vir die erediens – 'n handleiding?

Wat in die handleiding sou jy anders wou hê?

Watter leemtes is daar in die handleiding?

GEMEENTELIKE BEDRYWIGHEIDE

Onthou Bruce Wilkinson wat 16 tot 19 Mei by Moreletapark optree. Lees weer die besonderhede van hulle pamflet.

Onthou ook die Vat Vlam herlewingskonferensie op 14 en 15 Mei by Moreletapark. Sprekers sluit in drr Richard Blackaby en Sammy Tippet (uit die VSA), Angus Buchan, Elza Meyer, Willem Badenhorst, Dirkie van der Spuy, Bennie Mostert en Francois Carr. Navrae by carol@moreleta.co.za

VERJAARSDAE

Geluk aan almal wat tot 24 Mei verjaar.

11 Mei - Van Wyk Fischer (Silvertonkruin) e-pos: silvertonkruin@absamail.co.za

12 Mei - Wielie van Wyk (Middelburg-Suid) e-pos: wielie@midsuid.co.za

13 Mei - Petrus Moolman (Past Hulp Ligkruis) e-pos: lafras@mweb.co.za

13 Mei - Eduan Naudé (Lyttelton) e-pos: eduannaude@absamail.co.za

13 Mei - Rassie van der Merwe (Past Hulp Skuilkrans) e-pos: rasdel@xsinet.co.za

15 Mei - Cas Vos (Dosent UP) e-pos: cas.vos@up.ac.za

17 Mei - Jean Strydom (Nelspruit-Suid) e-pos: jeanstr@absamail.co.za

18 Mei - Gerrit Maritz (Doornkloof) e-pos: gerrit@webhelp.co.za

18 Mei - Frans Conradie (Past Hulp Roossenekal) e-pos: franscon@lantic.net

18 Mei – Sebastiaan van Dyk (Lux Mundi) e-pos: svandyk@luxmundi.org.za

19 Mei - Jannie van Eeden (Groblersdal) e-pos: dsveeden@lantic.net

20 Mei - Henry Green (Witbank-Vallei) e-pos: henry.green@vodamail.co.za

21 Mei - Sas Conradie (Pretoria-Oosterlig) e-pos: sas.conradie@cms-uk.org

22 Mei - Willem Nortjé (Komatipoort) e-pos: ngkomati@mweb.co.za

22 Mei - Marius Swart (Nelspruit-Westergloed) e-pos: marius.swart1@gmail.com

Groete tot volgende keer.

Henry van der Schyff

Uitvoerende Amptenaar

uitamp@sinoos.co.za

Druk Stuur hierdie nuusartikel na 'n vriend

Oostelike Sinode