Oostelike Sinode

GEMEENTES IN DIE OOSTELIKE SINODE

Liewe broer en suster

HOOPDRAERS IN VERANDERENDE TYE

Die Sinodale Diensraad het besluit om die DVD aan elke gemeente te stuur.  Dit is 'n bespreking van die gebeure in Suid-Afrika.  Na aanleiding van die krag-situasie is gevra dat iets gesê word.  Die Sinodale Diensraad het geoordeel dat die krag-situasie maar een van die elemente van die veranderende tye is.

Hoe tree gelowiges gedurende die tye op?  Watter hoop of troos of bemoediging is daar?

Kyk gerus na die bespreking.  Die deelnemers is Johan van Schalkwyk - Voorsitter Sinodale Diensraad; Dion van Dyk van Skuilkrans, wat jare in Zimbabwe was en Henry van der Schyff, die Uitvoerende Amptenaar, wat inligting oor ons gebied voorsien.

Daar is twee weergawes op die DVD.  Die volledige weergawe van die gesprek vir die wat baie tyd het.  Dit is 27 minute lank.  'n Verkorte weergawe wat die kern van die gedeelte bevat, is 13 minute lank.  Gebruik dit gerus na goeddunke.

Kyk asseblief self daarna en bepaal of gedeeltes bruikbaar is, om vir meer persone te wys.  Miskien tydens 'n erediens of gebedsbyeenkoms?

Ten laaste, die familie-verband gee om en wil graag dat almal na mekaar uitreik om hoop te bring.

Baie groete

DS HJ VAN DER SCHYFF

UITVOERENDE AMPTENAAR

Druk      Stuur hierdie nuusartikel na 'n vriend