Oostelike Sinode

15 Augustus 2008

GEMEENTES VAN DIE OOSTELIKE SINODE

Liewe Sinode-familie

HULP AAN GEMEENTE

Hierby aangeheg is 'n kontrolelys vir kerkkantore.  Die Personeeldiensgroep het dit saamgestel vir gebruik in gemeentes.  Indien julle dit vir eie gebruik wil wysig, kan dit van die webwerf afgelaai word by http://www.sinoos.co.za/bedieninge/item/kontrolelys_vir_kerkkantore.  Laat weet ons gerus watter sake behoort ook by die lys gevoeg te word.

VOETSOOL SINODESITTINGS

Dit is met groot opgewondenheid dat ons verdere reëlings aan julle deurgee.  Die geleenthede vind soos volg plaas:

                        11 Oktober 2008 by Ermelo

                        25 Oktober 2008 by Nelspruit-Suid

                        1 November 2008 Tygerpoort in Pretoria

                        8 November 2008 by Witbank-Suid

Die doel van die geleenthede is om terugvoer te gee oor die sake uit die vorige Voetsool sinodesitting; om weer lidmate se harte te hoor en ook om 'n voorbeeld te gee om geloofsonderskeidend te werk te gaan.

Gemeentes word geografies ingedeel, sodat ons nie te veel duur petrol gebruik nie.

Stuur asseblief 'n aantal persone wat die profiel van die gemeente weerspieël.  Met ander woorde jonges en oues, mans en vroue en ook uit die leiersgroep.  Stuur vir elke predikant minstens een gemeentelid.

Moenie wag met die name tot  5 September 2008 nie.  Laat weet sommer vandag nog wie kom.

Julle sal betyds aanduidings ontvang om by die gemeentes uit te kom en stukke om vooraf te lees.  Lees gerus weer die Agendas vir sinodesittings 2005 en 2007 om te sien wat met die prioriteit sake, dit is die sake uit die vorige geleenthede, gebeur het.

Ons wil graag om 09:00 reeds begin.  Kom meld gerus vanaf 08:30 aan.  Ons mik om 15:00 af te sluit.  Daar sal natuurlik verversings en 'n ligte middagete wees.

Bring gerus julle Bybels saam en pak hope entoesiasme en opgewondenheid in om 'n paar uur saam met die familie te kuier.

Ons hoor graag van julle.

Baie groete

DS HJ VAN DER SCHYFF

UITVOERENDE AMPTENAAR

Druk      Stuur hierdie nuusartikel na 'n vriend